HABIAN!eko egoiliarren erakusketa

Ruben Pantigak KIBo markak  erakusketarako propio egindako “Upcycled World” izeneko eskaintza dakar. Oihal bakeroa, tapizgintzako katalogoak eta birziklatutako oihalak deseraikita arropa berriak sortu ditu, proposamenaren helburua da erakustea ehungintzari bigarren bizitza eman dakiokela.

Ainhoa Ibarguren bitxigileak APh marka aurkeztu du. Estilo minimalistako zilarrean egindako bitxigintza da, arkitektura eta arte modernoan inspiratua.

Saioa Matxainek atzera begirako erakusketa bidez hamar urtetan SAI-SUO markarako sortutako sei bildumen piezak batu ditu bere ibilbide sortzailea islatuz.

Anne Gajatek, Anne Gago markaren 2022ko Udaberri-Udako bilduma berria, METAVERSO aurkeztu du. Bakoitzak bere arropa aukeratzeko proposamena da, pieza ezberdinek soineko bera hainbat modutan eramateko aukera ematen dute.